بقايا انسان
شوفي بقايا قـلب أسرف به الحرمـان ********* وآهـي على قـلبي يضحك به القـاسين
قـلبي يردد آه من فـارق الخـــــلان ********* ومـهمـا تذكـرهـم يذكر وهــم ناســـين
وكل ما صلح حالي والحـال مني زان ********* يـبدا نحـيل الـحــــال يـنحل من ذالحين
يا زهرة الوادي ويا وردة البـــسـتان ********* دارت بي الأيـام والـخـل مــدري ويـن
شوفي غريب الحـال في دنيته حيران ********* ضـايع مـع الأيـام محـتار لـو تـدرين
شـوفي بقايا بي صارت بقايا انـسان ********* لاني من الحاضر ولاني من الماضين
ياما كتبت أشعار وياما عزفت ألحان ********* ويـامـا سـهرت الليل والليل لي ليـلـين
حتى عشقت الليل والهـم والهجـران ********* حتى غدوا لي خل والزين عندي شين
قابلـت أنا دكتور قـال انت فيك جنان ********* والي رحـــل خسران لا تتــبع المقفين
قلت انت يا دكتـور في شغلــتك تعبان ********* ما تدري ان القـلب في حـظنها عامين
والــلـي مجـنـــني انـي أنـا الغـلـطـان ********* شجعتها تـرحل صدقـت أنا الـواشــين
لامن طرت لي يوم شفت العذاب الوان ********* يا هل ترى يا زين تذكرني لين ألحين
يامـن لـقـالي خــل في مبـســمه رمان ********* سبـحان من ســواه ومكـملـه بالــزين
في وجهها قـمرا وفي حظـنها بركـان ********* روحي على روحة روحن لها جسمين
يا خاطرن مجروح ويافكر ياهيمان ********* اصـبر عـلى قسواه ولابـد يـوم يلـيـن
واصبر على دنياك وانسا مع النسيان ********* و ان نـجمـتـن ظـلـت لابـد يوم تـبـيـن