عرض مشاركة واحدة
قديم 02-21-2008, 12:41 AM   #1 (permalink)

Admin

• ĞêŋęŘąl MąŋāģęŘ •
 
الصورة الرمزية Admin
 




 
Admin تم تعطيل التقييم

Post





يا قمر على دارتنا - الأخوين رحباني



يا قمر على دارتنا يا حكاية سهرتنا يللي فتنتنا حلوة يا جارتنا

يا قمر على دارتنا عتلالك ليلتنا رقصة حملتنا و صوبك أخدتنا

شفناك ميلنا بهالليل و سألنا

تاريك حاببنا و ما بتقول شو زعلنا

و القمر على دارتنا حكاياتو بسهرتنا رقصة حملتنا و صوبو أخدتنا



يا هلا يا حبيبي - الأخوين رحباني



يا هلا يا هلا يا حبيبي

بالوفا بالصفا بربيع انتلا يا هلا

يا هلا يا هلا يا رفيقي

يا هني عالدني يا صباح انجلا يا هلا

غنى الحب و مال و ارتاحوا الأظلال

و ضاعوا التنهيدات عالوردات موال

يا هلا يا هلا يا أليفي

يا جنا لي أنا من كروم الحلا يا هلا

بيتنا انجلا و امتلا بالحلا و بيقول با هلا



غالي الدهب - الأخوين رحباني



غالي الدهب غالي و ضحكت عناقيدو

عالي الورد عالي و شو طالع بإيدو

غالي الدهب غالي و عالي الورد عالي

و يا حبيبي يا حبيبي يا دهب الغالي

ما سألتو علينا عتبنا كتير

و عا قد المحبة العتب كبير

يا أهل الدلال يا ساكنين البال

قلبي ع بواب الحبايب ضيع مواعيدو

فستان و إسوارة و عقد جديد

و الحلق الفضة ليوم العيد

يرجع لي الزمان و الهوى اللي كان

و يا حبيبي يا حبيبي عهد اللنا نعيدو



جلنار - ميشال طراد



يا صبح روج طولت ليلك خليت قلبي نار

بلكي بتجي أختك تغنيلك بلكي بتجي جلنار

صرخات عم بتموج بالوادي معنزق عليها ضباب

لبعيد عم بتروح و تنادي بيظهر حبيبو غاب

راعي بكي و منجيرتو متلو بكيت تيتسلى

شو قولوكن عالسكت قالتلو شو قولكن قلا

خليك حدي تيروق الجو و رندح و سمعني

و لمن بيطلعلك يا راعي الضو تبقى تودعني

وقفت قلبي عالدرب ناطور تفاق ألف نهار

ووعيت الشمس و زقزق العصفور و ما إجت جلنار



أنا و سهرانة - الأخوين رحباني



أنا و سهرانة وحدي بالبيت

على السكيت و متل الضجرانة

مشية قريبة طقت عالدرب

قلت يا قلب جايي حبيبي

قمت و ضويت زحت البرداية

تيشوفا الجايي و شعشعت البيت

رتبت المزهرية هييت قلوب السكر

حطيت الشال عليي و لبست العقد الأحمر

و نطرت الباب تالباب يدق

و القلب يدق و ما دق الباب

و المشية بعدت بعدت بالليل

محاها الليل بعدت و بعدت

أنا سهرانة و طفيت الضو

و طلع الضو أنا و سهرانة



أمي يا ملاكي - الأخوين رحباني



أمي يا ملاكي يا حبي الباقي الى الأبد

و لا تزل يداك أرجوحتي و لا أزل ولد

يرنو إلى شهر و ينطوي ربيع

أمي و أنت زهر في عطره أضيع

و إذ أقول أمي أفتن بي أطير

يرف فوق همي جناح عندليب

أمي يا نبض قلبي نداي إن وجعت

و قبلتي و حبي أمي إن ولعت

عيناكِ ما عيناكِ أجمل ما كوكب في الجلد

أمي يا ملاكي يا حبي الباقي إلى الأبد



يا حبيبي كلما هب الهوى - الأخوين رحباني



يا حبيبي كلما هب الهوى و شدا البلبل نجوى حبه

لفني الوجد و أضناني الهوى كفراش ليس يدري ما به

صغ لقلبي يا حبيبي حلما من سنا الصبح و غدو الغلس

لمني من وحشة العمر كما لمت النسمة عطر النرجس

يا زمان الحب هل رجع الى عهدنا و الروض زهر يبسم

ننهب الفرصة و الليل حلا بالأغاني و دعانا الموسم

يوم جئناه فأبدا سقم و تهادى بحرير الملبس

أشرقت عيناه سحراً مثلما يشرق الصبح بيومٍ مشمس



غيبي و لا تغيبي - الأخوين رحباني

غيبي و لا تغيبي يا نجمة كفرغار

يا قمر حبيبي زهرة عباب الدار

غيبي و لا تغيبي يا جارتنا الغريبة

يا بعيدة يا قريبة يا نجمة كفرغار

نامي و لا تنامي يا زغيرة الربيع

نامي بالسلامة قبل الدني ما تضيع

نامي و لا تنامي عا مخدة السلامة

عجوانح الحمامة يا زغيرة الربيع

طلي و اندهيني بالليلة الطويلة

و تمرق عالهنا و الضنا و الساعات الجميلة



الأوضة المنسية - الأخوين رحباني



ليل و أوضة منسية و سلم داير مندار

عليت فينا العلية و دارت بالسهرة الدار

و العلية مشتاقة عا حب و هم جديد

فيها طاقة و الطاقة مفتوحة للتنهيد

وضوية البيوت تنوس فانوس يسهر فانوس

و انت بقلبي محروس بزهر الحرقة و النار

يا ريت الدنيي بتزغر و بتوقف الأيام

هالأوضة وحدا بتسهر و بيوت الأرض تنام

و تحت قناديل الياسمين انت و انا مخبايين

نحكي قصص حلوين و لا مين يدري شو صار

يا أوضة زغيرة زغيرة فيها الحب تلاقيت

أوسع من دنيي كبيرة و أغلى من ميت بيت

تعبانة و بدي حاكيك حاكيني الله يخليك

نقلني عا شبابيك الليل و عسطوح الدار



شال - سعيد عقل



مرخى على الشعر شال لرندلي

هلا هلا به بها بالجمال

من يا حباب الكؤوس من جملك

من فصلك حلواً كحلم العروس

لم ثنية تشتكي ثم تغيب

هم يا حبيب بلوني الليلكي

هم لا تقرب يدا هم بالنظر

أبقي الأثر ما لم يزل موصدا

يا طيب شال تلم عنه النجوم

و بي هموم لأن يرى أو يشم

قيض لي موعد في ظل شال

ترى الخيال سكنى و مستنجد

ما لي سألت الزهر عن منزلي

فقيل لي هناك خلف القمر



يارا - سعيد عقل



يارا

يارا الجدايلها شقر

الفيهن بيتمرجح عمر

و كل نجمة تبوح بسرارا ... يارا

يارا الغفى عا زندا خيا الزغير

و ضلت تغني و الدني حدا تطير

و الرياح تدوزن وتارا ... يارا

الحلوي الحلوايي تعبو زنودا

و نتفي اصفروا خدودا

و بإيدا نعست الأسوارة

و لمن إجت يارا تحط خيا بالسرير

تصلي يا ربي صيرو خيي كبير

و للسما ديها هاك الدين الحرير

انلمت الشمس و عبت زوارا



يوم و يومين و جمعة - الأخوين رحباني



يوم و يومين و جمعة وشهر و شهرين

تعبت بعيني الدمعة وين غايب وين

شهر و شهرين و بعدك بعدك بتقول

تقول محافظ عا وعدك و الوعد يطول

و قلبي الناطر عابعدك بالو مشغول

مشغول و ليلو بعدك صاير ليلين

عالعالي طاروا و علوا جوز حساسين

حساسين و راحوا غلوا بعب الشربين

و يسأل وينن و نقلو راحوا الحلوين

الحلوين الكانوا يملوا من راس العين

زهر شباكك زهر شباكك فل

الفل العجبينك نور نور عالكل

و جينا لعندك تانسهر ما كنت تطل

و طل الشوق المسهر دمعات العين



بتشوف بكرا بتشوف - الأخوين رحباني



بحياة عينك يا ورد نيسان زهر على شباكن العشقان

و ان كان بدن يسألوا عنا جيران قلن بعدنا جيران

بتشوف بكرا بتشوف شو دارنا حلوي

عا مطل أخضر مكشوف و الشمس بتضوي

فراشات بتجينا رفوف و طيور تقصدنا ضيوف

و غصون ترقص و تغني بتشوف بكرا بتشوف

و انت تطل و انقلك أهلا و هيك تغل نسمي على مهلا

و عيونا ترف و تحكي و قلوبنا تبوح و تشكي

و مروج بالحب تطوف بتشوف بكرا بتشوف

فوق شو هم منعيش بجنة و شوق يلم نهدات و يغني

و عباب خضره محنيه عقباب متل العلية

و بورد سطحا مسقوف بتشوف بكرا بتشوف

و هاك الدني الغداره بتضل حليانة

فيها الهوى بيندار أحلام و غناني

و الحب فوق دواليها عناقيد حليانه فيها

و مافيش واحد مقطوف بتشوف بكرا بتشوف



ردي منديلك ردي - الأخوين رحباني



لما لمحتو طل صرت ملبكي

و عرفت قصدو و قلت بدو يشتكي

فتشت عا كلمة تإفتحلو حديث

وقفت و وقف و تنينا نسينا الحكي

و من يومها عم نلتقي و نقعد سوى

مدري الصدف بتسوقنا مدري الهوى

حلو بقى يفهم رح يهب الهوى

ضيعان ما بيخبروا انك ذكي

ردي منديلك ردي بيضا و الشمس حدي

بكرا بيجيي محبوبك و بيلاقيكي مسودي

ردي ردي الشمسية خليها ترف عليي

لما عيونك بتفيي وراق الزنبق بتندي

في لنا يا حب خيمة عالجبل

ناطرة تانزورها بليلة غزل

راكعة الغيمات عند بوابها

و تاركة النجمات عسطحا قبل

في لنا يا حب خيمة في لنا

و مزهرية و ورد أبيض عندنا

و وحدنا بهالجرد عحدود السما

نحنا و انت و باقة غناني هنا

يا حلوي اللي بيتك فوق

صوبك عم ياخدني الشوق

عم حاكيك بلطف و زوق

بحياتك لا تحتدي



أنا لحبيبي - الأخوين رحباني



أنا لحبيبي و حبيبي إلي

يا عصفورة بيضا لا بقى تسألي

لا يعتب حدا و لا يزعل حدا

أنا لحبيبي و حبيبي إلي

حبيبي ندهلي قلي الشتي راح

رجعت اليمامة زهر التفاح

و أنا على بابي الندي و الصباح

و بعيونك ربيعي نور و حلي

و ندهلي حبيبي جيت بلا سؤال

من نومي سرقني من راحة البال

أنا على دربو و دربو عالجمال

يا شمس المحبة حكايتنا أغزلي



أندلسيات



إرجعي يا ألف ليلة - رفيق خوري



إرجعي يا ألف ليلة غيمة العطر

فالهوى يروي غليله من ندى الفجر

إن أشواقي الطويلة أغفرت عمري

و حكاياكي خميلة في مدى الدهر



بلغه يا قمر - الأخوين رحباني





بلغه يا قمر إذ ينشر الخبر

أني غداة غد يغتالني السهر

يا ليت يجمعنا للحب موعدنا

فالشوق يزرعنا و البعد يحصدنا

ولهان ينتظر و الشوق يستعر

البيد تعرفه و الليل و القمر



لو كان قلبي معي - شعر قديم



لو كان قلبي معي ما أخترت غيركم و لا رضيت سواكم في الهوى بدلا

لكنه رغيب في من يعذبه و ليس يقبل لا لوما و لا عدلا



يا من حوى - شعر قديم



يا من حوى ورد الرياض بخده و حكى قضيب الخيزران بقده

دع عنك ذا السيف الذي جردته عيناك أمضي من مضارب حده

كل السيوف قواطع إن جردت و حسام لحظك قاطع في غمده

إن شئت تقتلني فأنت محكم من ذا يطالب سيدا في عبده



جاءت معذبتي - شعر قديم



جاءت معذبتي في غيهب الغسق كأنها الكوكب الذري في الأفق

فقلت نورتني يا خير زائرة أما خشيت من الحراس في الطرق

فجاوبتني و دمع العين يسبقها من يركب البحر لا يخشى من الغرق



قد أتاك يعتذر - الأخطل الصغير



قد أتاك يعتذر لا تسله ما الخبر

كلما أطلت له في الحديث يختصر

في عيونه خبر ليس يكذب النظر

فد وهبته عمري ضاع عنده العمر

حبنا الذي نشروا من شذاه ما نشروا

صوحت أزاهره قبل يعقد الثمر

عد فعنك يؤنسني في سماءه القمر

قد وفى بموعده حين خانت البشر



لو تعلمين - شعر قديم



لو تعلمينَ بما أُجنُ من الهوى لعذرتِ أو لظلمتِ إن لم تعذرِ

لا تحسبِ أني هجرتُكِ طائعاً حدثٌ لعمروكِ رائعٌ أن تُهجرِ

ما أنتِ و الوعدَ الذي تعِدينني إلا كبرقِ سحابةٍ لا تمطرِ



لا تسألوني - نزار قباني



لا تسألوني ما إسمه حبيبي أخشى عليكم ضوعة الطيوب

والله لو بوحت بأي حرف تكدس الليلك في الدروب

ترونه في ضحكة السواقي في رفة الفراشة اللعوب

في البحر في تنفس المراعي و في غناء كل عندليب

في أدمع الشتاء حين يبكي و في عطاء الديمة السكوب

محاسن لا ضمها كتاب و لا إدعتها ريشة الأديب

لا تسألوني ما إسمه كفاكم فلن أبوح بإسمه حبيبي



يا شادي الألحان - شعر قديم



يا شادي الألحان أه أسمعنا رنة العيدان

يالاللي يا لالا أه يا لاللي رنة العيدان أه أسمعنا أه ياللي يا لا لا لا لا أه ياللي

و أطرب من في الحان أه و أحسبنا من ضمن الندمان

يالاللي يا لالا أه يا لاللي من ضمن الندمان أه أحسبنا أه ياللي لي لا لا لا لا أه ياللي

شعرك و الجبين أه و الوجنات كالليل و النهار

يالاللي يا لالا أه يا لاللي كالليل و النهار أه و الوجنات أه ياللي يا لا لا لا لا أه ياللي



يا خليلي - شعر قديم



يا خليلي ساعة لا تريم و على ذي صبابة فأقيم

ما مررنا بدار زينب إلا فضح الدمع سرنا المكتوم



يا وحيد الغيد - شعر قديم



يا وحيد يا وحيد الغيد يا فريد عصرك

و النبي و النبي يا سيد لا تطل هجرك

مالت الأهداب تجتني سرك

و أنثنت أطياب مذرءات سحرك



حجبوها - شعر قديم



حجبوها عن الرياح لأني قلت يا ريح بلغيها السلام

لو رضوا بالحجاب هان و لكن منعوها يوم الرحيل الكلام

فتنفست ثم قلت لطيفي أه لو زرت طيفها إلمام

خصها بالسلام سرا و إلا منعوها لشكوتي أن تنام



يا غصن نقا - شعر قديم



يا غصن نقا مكللا بالذهب أفديك من الردى بأمي و أبي

إن كنت اسأت في هواكم أدبي فالعصمة لا تكون إلا لنبي

و الله لقد سمعت في الأسفار عن ساحرة تهيم بالأوتار

و الله لقد سمعت من مبسمها طيب الغزل و رقة الأشعار

لما ع الباب - جوزف حرب



لما عالباب يا حبيبي منتودع

بيكون الضو بعدو شي عم يطلع

بوقف طلع فيك و ما بقدر أحكيك

وبخاف تودعني و تفل و ما ترجع

بسكر بابي شوفك ماشي عالطريق

فكر أنزل أركض خلفك عالطريق

و تشتي عليي ما تشوفك عينيي

و أنا أركض وراك أمدلك أيديي

و أندهلك أنطرني حبيبي و ما تسمع

ما رح ترجع بعرف أنن غيروك

يا حبيبي و عذبوني و عذبوك

سهروا عينينا و فرقوا أيدينا

و صرنا كتير نخاف اذا نحنا تلاقينا

ما بنتلاقى الا وقت اللي منتودع



اسوارة العروس - جوزف حرب





اسوارة العروس مشغولي بالدهب

و انت مشغول بقلوب يا تراب الجنوب

رسايل الغياب مكتوبه بالسهر

و انت بالعز مكتوب يا تراب الجنوب

و بتولع حروب و بتنطفي حروب

و بتضلك حبيبي يا تراب الجنوب

اللي حامل عكتافو زيتون و سنابل

قلعة بحر صور صخرة جبل عامل

اللي حامل وراق شعرا و عشاق

القمر مخبيلن لعراسن خواتم ما بيقدر يحمل ظالم

و شو ما اجا شعوب و شو ما راح شعوب

كلن راح بيفلو و بيبقى الجنوب

لما بغني اسمك بشوف صوتي غلي

ايدي صارت غيمي و جبيني علي ... يا جنوب

الشمس بتطلع سودا و بيبس الموج

اذا بفكر انو ترابك مش الي

و يا شعب الشعوب الأقوى من الحروب

بتبقى اذا بيبقى يا شعب الجنوب



بليل وشتي - جوزف حرب



بليل و شتي صوتو مسموع يا هوي اغمريني يا هوي دموع

تنين عاشقين قاعدين دايبين عميحكو سوا على ضو شموع

عينيهن ببعضن إيديهن بردانين و شفافن عشاق مع بعض سهرانين

و مرقي يا سنين و تلجي يا سنين

خلي بواب الليل علينا مسكرين أه ولا يعطش حدا منا و لا يجوع

بلون الفراق ال بآخر قصتن ع خيوط الشتي مكتوبي سهرتن

و ما بين بوستن ع الشمع و آهتن

كل ما تذكرو هالباب بتنزل دمعتن أه اللي من جمرتا قلبن موجوع



اسـامـينا - جوزف حرب



اسـامـينا شو تعبو أهالينا تلاقوها و شو افتكرو فينا

الأسـامـي كلام .. شو خص الكلام .. عينينا هني أسـامـينا

لا خضر الأسـامـي و لا لوزيات

لا كحلي بحري و لا شتويات

و لا لونن أزرق قديم ما بيعتق

و لا سود وساع و لا عسليات

و لا فيهن دار دار الخمار

علينا و بلش يسقينا

تلج و ورق طاير و المسا حزين

و ضباب و قناطر نحنا بردانين

لملمنا أسـامـي اسمي عشاق

من كتب منسيي و قصايد عتاق

و صرنا نجمع اسـامـي و نولع



جايبلي سلام - الأخوين رحباني



أوف أوف بكير طل الحب عا حي لنا

حامل معو عتوبي و حكي و دمع و هنا

كنا و كانوا هالبنات مجمعين

يامي و ما بعرف ليش نقاني أنا

جايبلي سلام عصفور الجناين

جايبلي سلام من عند الحناين

نفض جناحتو عا شباك الدار

و متل اللي بريشاتو مخبي سرار سرار

قلي عالرماني غطيت و حكاني

و بعيونو الدبلاني شفت الهوى باين

شو قلي شو قلي عتبان المحبوب

ما بدك تطلي ابعتيلو مكتوب

وديلو شي ورقا عليها كتيبه زرقا

و امرقيلك مرقا مطرح منو ساكن

كل ليلة عشيي قنديلك ضويه

قوي الضو شويي و ارجعي وطيه

بيعرفها علامة و بيصلي تتنامي

و تقومي بالسلامة و يبقى قلبك لاين



يا ريت منن - جوزف حرب



يا ريت منن مديتن ايداي وسرقتك أيه أيه

لأنك إلن رجعتن ايداي و تركتك حبيبي

ندهتك خلصنى من الليل و يا ريت

نرجع إلنا أشياء نحبا و عنا بيت

صدقني لو بقدر أتحمل عذاب الأشياء كلا ما كنت فليت

و لا كنت حرقتا حياتي و حرقتك

إذا رجعت بجن و إن تركتك بشقى

لا قدرانة فل و لا قدرانة أبقى

شو بكره يا حياتي لما بشوفا عندك

يا بتحرمني منها يا بسرقها سرقا

و شو قالوا يا عمر حلو و ما دقتك







انا خوفي - الأخوين رحباني



أنا خوفي من عتم الليل و الليل و حرامي

يا حبيبي تعا قبل الليل و يا عيني لا تنامي

يا حبيبي لا تغيب كتير تتأخر ليليي

لا بدي هدايا خرير أسوارة عيديي

بدي من عشيي نقعد بالسهرية

و صوتك يضحك ملوا البيت و يضوي أيامي

وعدوني عيونك بالنوم رجعوا سهروني

و راح اليوم و ميت يوم ما عادوا سألوني

قلتلك نسيوني راحوا ما حاكوني

إذا عرفوا فينا الحلوين يا حلوى بتنلامي



عا الطاحونة - الأخوين رحباني



عالطاحونة شفتك عالطاحونة و جرحوني عيونك جرحوني

كنت امبارح عالنبعة القريبي انت و رايح شفتك يا حبيبي

شفتك سارح بافكار الغريبي زاغوا عيوني و الدمعة بعيوني

نازل نازل عمفارق الحارة شفتك نازل و عيونك محتارة

و العوازل من كاس المرارة لوعوني و بإيدن سقوني

دورة عالدورة يا حلوي يا زغيورة بكرا بتجي العصفورة و تخبرك شو صار

لافي و مش لافي بكرا لحبيبك لافي عا خية الصفصافي رح بتروحوا مشوار

ميي عالميي لمن شفتك عالميي و الزهرة المستحيي مزروعة عالشباك

و الطير ال عل المي الطالع نازل يوميي في كرلنا الغنيي و ما تسألو شو بك



كتبنا و ما كتبنا - الأخوين رحباني





كتبنا و ما كتبنا و يا خسارة ما كتبنا

كتبنا ميت مكتوب و لهلق ما جاوبنا

كنا نبعتلو مكتوب يبعت مكتوبين

شو قالولك يا محبوب مغير من شهرين

اخر مرة تلاقينا اتصافينا و اتراضينا

ان كنك زعلان علينا عالقليلي عاتبنا

بتذكر لماعالدار مسويي طليت

ما بعرف كيف قلبي طار و صار يطير البيت

و لما قلتلي اسقيني صارت تبكي الياسميني

و قالتلي يا مسكيني قلنا تبنا و ما تبنا

يا مالكين القلب لما النوى مالكن

قلنا حباب لنا مين يا ترى مالكن

عودوا قبل ما الجفا يغمر ليالي العمر

غير الأحبة القدامى عالوفا ما لكن

بلمح شباكو من بعيد عالوادي مفتوح

و تزيد الغصة و تزيد بهالقلب المجروح

الهيئا حبك مش صافي و لانك عالجيري لافي

رجعوا طيور الصفصافي و ما رجعوا حبايبنا



يا مرسال المراسيل - الأخوين رحباني



يا مرسال المراسيل عالضيعة القريبي

خدلي بدربك هالمنديل و اعطيه لحبيبي

عالداير طرزتو شوي إيدي و الأسوارة

حيكتلو أسمو عليه بخيطان السنارة

بخيطان الزرق و حمر و غناني الصبيان السمر

كتبتلو قصة عمر بدموعي الكتيبي

خدلي بدربك هالمنديل و اعطيه لحبيبي

بيتو باخر البيوت قدامو عليي

بتوصل عالبيت و بتفوت و بتسلم الهديي

و لو عنا قال و كتر قلو خليه يتذكر

عهالمنديل الأصفر ببعتلو مكاتيبي

خدلي بدربك هالمنديل و اعطيه لحبيبي

و بتجيبلي منو تذكار شي ورقة و شي صورة

عالورقة يكتب أشعار و أسمو على الصورة

و لما بتبكي المواويل يسأل عن أهل المنديل

يا مرسال المراسيل و سلم عا حبيبي

خدلي بدربك هالمنديل و اعطيه لحبيبي



يا داره دوري فينا - الأخوين رحباني



يا دارة دوري فينا ضلي دوري فينا

تاينسو أسـامـيهن و ننسى أسـامـينا

تعا تا نتخبى من درب الأعمار

و إذا هني كبروا نحنا بقينا صغار

و سألونا وين كنتوا و ليش ما كبرتوا أنتو منقلن نسينا

و اللي نادى الناس تيكبروا الناس راح و نسي ينادينا

يا ليلي يا ليلي يا ليلي يا ليل يا عيني يا ليلي

يا دارة دوري دوري موعدنا عالعيد

تا يكبر الدوري و يحمر القرميد

و يا هالصبح الناطر قاعد بالقناطر نحنا هلق جينا

حبيبي و الليل راحوا ببحر الليل نسيوني عالمينا



من عز النوم - الأخوين رحباني



من عز النوم بتسرقني بهرب لبعيد بتسبقني

يا حبي صرت بآخر أرض عم أمشي و تمشي فيي الأرض لوينك بعدك لاحقني

كنا تودعنا و صوتك غاب و نادني العمر الفاني

و لما عا حالي سكرت الباب لاقيتك بيني و بين حالي

مشلوحى على بحر النسيان فارقني النوم و كل شي كان

وجك ما كان يفارقني و جرب أسبح و يغرقني

رقص و ضحك و سهرية عيد وكل صحابي حواليي

و عم فتش أنا على حب جديد و الناس عيونا عليي

بتطل بيوقع مني الكاس وحدي اللي بشوفك من هالناس

من بين الكل بتسرقني و بتلج الماضي بتحرقني



صيف يا صيف - الأخوين رحباني



و كرومكن عا كل مد تزيد تغزل محبة و شهد و عناقيد

و العنب يعصر عوافي و عمر و يقطر السكر ليوم العيد

صيف يا صيف عا جبهة حبيبي لوح يا سيف رجعتنا قريبي

من حي لحي عم توعى الباشير و بلاد الفي فيها الفرح داير

خليك خطي طوي عالداير يا شمس المي حلفتك لا تغيبي

دايم عالدوم عتباني الصبيي و العتب لوم و الزعل غنيي

و مرقت اليوم ما بتسأل عليي يا طير النوم أنا متلك غريبي

ميل ميل ميل يا غصن الهوى ميل قناطر مضويي و براج عم بتميل

لوح لوح لوح يا غصن الهوى لوح شمس الهنا جايي و الليل عم بيروح

طير طير طير يا غاب العصافير هربوا التعالب من وجه النواطير

قول قول قول بلكي الحكي بيطول طلت من جبالها عا سهول خلفا سهول

غيب غيب غيب بالملعب الغريب صوتك اللي حاضر قصف نياب الديب

عيد عيد عيد موالك الوحيد ضحكت الصبيي و حليت العناقيد



يا كرم العلالي - الأخوين رحباني



يا كرم العلالي عنقودك لنا

و يا حلو يا غالي شو بحبك أنا

عالنهر التقينا و ما قلنا لحدا

و تركنا عينينا تحكي عالهدا

سمعني حكي قالي شو بكي

و طلعلي البكي يا دلي من كتر الهنا

عالدرب الطويلي وداني الهوى

بإيدو وميلي تا نمشي سوى

صرت بلا وعي شي يقلي تعي

و شي يقلي ارجعي و الدنيي عرفت شو بنا

واعدني حبيبي لم بدو يجي

بأسوارة غريبي و عقد بنفسجي

واعدني بقمر و بشوية صور

و باعت لي خبر بيقلي الموسم عالجنا





التوقيع


I'aM Not Special
, I'aM Just LiMiTeD EdiTion




صفحتنا على الفيس بوك :-
http://www.facebook.com/Downloadiz2Com


Admin غير متواجد حالياً   رد مع اقتباس