السلام عليكم بنات حواء
أنا واحدة ما تحب العطر الخفيف وأتحسف ادفع ريال بعطر ما يفوح ريحته
وبقولكم عن عطورى الفواحة اللى استحالة استغنى عنها مع انها قديمة شوى بس أموت عليها
نبدأ باسم الله
عطر انسولانس
من جيرلان
رائع رائع وفواح بشكل رهيب أتعب وأنا أوصفه
عطر ديور أديكت الازرق
أول ماشريته ماعجبنى مرة بس من كثر ما سألونى عليه خلصت منه 4 قوارير
عطر توم فورد
خيال خيال أخليه للسهرات عمري فحياتى ما أتعطرت منه الا يسالوني عليه وما أحد يعرفه
ودائما يقولولي ممكن نتعطر منه من كثر ما ينهبلون عليه
عطر مس ديور شيري المركز
رائع وثابت مرة أحب أتعطر منه قبل النوم وأصحى الصباح أشم ريحته
عطر تومى
قديم بس حلو وثابت واستخدمه الصباح
عطر ماكليف الزهري
غالى بحول ال800 ريال بس مميز
عطر ألين الموف
بدون تعليق
عطر منى من جورجو أرمانى
هذا عطر زواجى أموت عليه مميز وراقي
عطر دولشي فيتا
رائع بس استخدمه بالشتاء
عطر كارولينا هريرا القديم
هذا عشقى من أيام المدرسة
دائما بشنطة المدرسة
أتعطر فيه ولما أمر بالطابور
كلهم يتلفتون على من قوة عطرى
وكانوا يسمونى بالمدرسة مس كارولينا
حتى المدرسات يسألونى وش عطرك
تعرفون أول كنا قراوة مانعرف عطور الصباح من عطور السهرا
حبيت أنقل تجربتى للافادة
وياليت اللى جربت عطر ثقيل وفواح ومركز تكتب لنا تجربتها عشان نفيد البنات