أحبك وأعشقك بجنون لا والله هبل وجنون
بلاك الله بمجنونة غلاك وضحكة اشفاتك
حبيبي لو زعل قلبي تأكد مستحيل ايخون
حلفت أني معك لبقى على خبرك وهقواتك
فديتك لاتحاتيني تجاهل قلبي المطعون
غيابي لجل مالومك على تكرار زلاتك
حرمت القلب من قربك وقلبي يحترق بالهون
يبي قربك يبي حبك يبي صوتك وهمساتك
تعبت وقلت افكك واعتقك من شكي المسنون
وصرت وربي اخجل من عتابك واعتذاراتك
واقول بخاطري بصبر مدام أني على هالون
اشك وغيرتي تشعل فتايلها بغاياتك
حبيبي أسفه جدا اهون ولاعلي اتهون
أنا كلي فدى عينك فدى روحك ونبضاتك
تبي أكثر بعد أكثر أحبك واشطب المليون
أحبك كثر مادمعي بطهره اغتسل ذاتك