[سامي رحمة]

زهرة كل الفصول /الوان الحياة/lolo.b





عائلة ابورائد

ابورائد(51 سنة) يشتغل بالسلك الدبلماسي رجل طبعتة هادي مره طيب نقطة ضعفه اولاده صاحب ملامح هادية مره في شي يخليك تحبه غصب عنك

ام رائد(41 سنه)موجهه بالاضاافة انها عضوه في بعض الجمعيات الخيريه طيبه لاكن عصبيه شوي جميله جدا"

رائد(25 سنه)يدرس في امريكا كبريت (عصبي مره)متزوج بنت عمه ميار (ماعندهم اولاد توهم متزوجين)

لوجين(23 سنه) ماخذه طبع ابوها وجمال امها حبوبه مره ومجنونه شوي لاكن بيجي واحد ويكسر شموخها تدرس برمجة حاسبات

رهف(20 سنه )تدرس ديكور تشبه لجين مره بس لجين احلى تخاف من امها مره

لؤي(10 سنوات)اصغر واحد مره دلوع كمان يشبه لوجين لاكنه اسمر شوي

باقي الشخصيات افضل نتعرف عليها من خلال الروايه عشان لا تتلخبطوا

البارت الاول

ام رائد : نانسي نظفتي المجالس كويس عشان صديقاتي بيزوروني اليوم

نانسي (مديرة المنزل): خلاص كل شي تمام

ام رائد: طيب يلا روحي اجل مع السواق عشان تجيبي الاشياء الناقصة ووديهم لطباخ عشان يجهز للعشا

نانسي:اوكي مدام وطلعت

رهف: تدق باب لوجين ممكن ادخل

لوجين: ماتسمعها لانها تسمع اغاني والسماعات في اذنها

رهف: لولو ليش ماتردي

لوجين: تشوف رهف تتكلم بس ماتسمع شالت الاي فون

ايش في

رهف: ليش ما تسمعي

لوجين: انتي هبله كيف اسمع وانا حاطة الأي فون

رهف: روحي كلمي ماما

لوجين:رهوفه حبيبي اذا قالت اجلسوا عشان عشى اليوم نقولها لا بنروح الشليهات مع البنات طيب

رهف:والله يحبيبتي انا اللي دايم تطيح براسي لو قالت اجلسوا بجلس

لوجين: انتي جبانه

راحت لوجين ورهف لجناح امها دقت الباب ودخلت ابوها مسدوح على السرير

لوجين:بابا ماما فين؟؟

ابوها:تتفرج على المسلسل هناك

لوجين: بابا ياقلبي هي ايش تبغى؟؟ احنا مانبغى نجلس مع صاحبتها والله يابابا طفش

ابوها:لولو تراها معصبه شوفي ايش تبغى وانا اوعدك انك تسوي حفله لصاحباتك في الشاليه

لوجين:بابا اتخيلني جالسه معاهم وهي تقلد صوت وحدة من صاحبات امها

اخر اعمال الجمعيه كانت 000 وطبعا" تحت اشرافي

بابا والله احس اني ابغى اموت

ابوها: ههههههه روحي اتفاهمي معاها ولا تدخلوني بينكم

امها:ابله لجين ليش ماجيتي بسرعة سنه

لوجين: ها كنت اكلم بابا

امها: لوجين اسمعي قراري بدون نقاش فاهمه مافي روحه لشليهات اليوم

لوجين:بس ياماما

امها: خلاص قلت مافي نقاش انتم ماوراكم اهل تروحوا لشاليهات بدون اهل

لوجين:يعني انتي مو موافقة عشان لوحدنا

امها: ايوه كمان تبغوا تجلسوا يومين

لوجين: طيب خلاص احنا مانبغى نجلس في البيت نروح المول صح رهف

رهف : مادري زي ماتقول ماما

لوجين:تكلم نفسها والله انك جبانه ماينشد فيكي الظهر

امها: طيب ماعندي مشكله عشان ابوكي لايقول اني خانقتكم

لوجين: تبوس امها ياقلبوا ياماما

امها: بس بشرط

لوجين:اتحطمت احلامها ايش

امها: الساعة عشرة تكونوا في البيت

لوجين: طيب خلاص

طلعت لوجين ورهف من عند امهم

لوجين: رهف انتي ماراح تروحي معاياا

رهف: وليش ان شاء الله

لوجين:تقلدها انا مادري زي ماتقول ماما

رهف:هههههههههه لوجين والله هي ماتخاصمك بس تخاصمني انا وانا ادري انك ماراح تسيبيها الاوهي موافق هاو نطلع باقل الخسائر

لوجين: لا والله

رهف: ها شوفي اتخلصنا من صديقات ماما ههههه

لوجين:ههههه رهف المغرب تكوني جاهزه

رهف: طيب

لوجين جعدت شعرها وحطت مكياج برونز لبست بنطلون جينز وبلوزة عليها انميشن ولبست شوز اورنج حطت عطر وطلعت

رهف : استايلها استايل الايمو(موسالفه انه استايل حلو ولا لا بس هذا استايل مررره دارج عندنا)

لوجين:بس نصلي ونطلع

رهف :ايوه خلاص باقي شوي

صلوا وبعدين نزلوا لسياره

السواق: رهف فين تروحوا

رهف:روح مجمع العرب

لوجين: بسرعه ولا تتكلم كثير

السواق: حاضر(ياشين الاخلاق ماتعطي وجه)

وصلوا للمول اتمشوا شوي وبعدين راحوا شربوا كوفي وطبعا" ما ابغى اقولكم وضعهم خاصة انهم بنات لوحدهم وما معاهم احد

في بيت ابو رائد

وفاء:صفاء فين البنات نبغى نشوفهم

ام رائد: والله طلعوا بس شوي راجعين

لوجين ورهف رجعوا للبيت طلعوا بشويش عشان لا احد يحس فيهم ودخلوا غرفة لجين

جلسوا يضحكوا على نفسهم

رهف: لجين تصدقي

لوجين : لا انتي كذابه مره

رهف: لوجين بلاش سخافة صاحبات مامااللي عنها مو اعضاء الجمعيه المحترمات

لوجين: اجل

رهف:لا صديقاتها من الشرقيه وجوا هنا راح يستقروا هنا

لوجين :اها عرفتهم موهم صديقات ماما في الجامعه وبعدين راحوا للشرقيه

رهف: تمام

بعدين جلست رهف على الشات ولوجين جالسة على تتفرج على قناة ريلي تيفي قناه العمليات

دقت الباب ام رائد: ماشاء الله يجيتوا

لوجين تطالع لرهف وتضحك

ام رائد لجين البسي وانزلي

لوجين: ماما ما ابغى

ام رائد: ما ابغى نقاش وطلعت

رهف:ههههههه الله يعينك

لوجين : لبست بلوزه هاي نيك بيضاء واسود كت وبنطلون اسود عدلت شعرها حطت روج اورنج وعطر ونزلت

لوجين: وهي داخله السلام عليكم

الكل وعليكم السلام

سلمت لوجين عليهم وفاء : ماشاء الله يالوجين سايره عروسه

لوجين: ضحكت حاسه انها تحت الميكروسكوب جلست شوي وبعدين طلعت

لوجين: ابله رهف على غرفتك

رهف: لجين بس شوي

لوجين: رهف ماما لو شافتك على الشات تطلع روحك من مكانها

رهف: انتي سكي فمك وهي ما بتعرف

لوجين: يلا اقلبي فيسك ابغى انام

طلعت رهف لوجين فتحت الابجوره اللي جنبها غرفتها مره الوانها صارخه اورنج واحمر وتفاحي ولون الغرفه خشبي الغرفه مليانه مرايات لانها تحب تطالع لنفسها 0معجبه الاخت بحالها

المهم دق جوالهالوجين: هاي ميدو انا زعلانه

احمد: ليش يا اقلبوا

لوجين: مادري عنك كم يوم ما كلمتني

احمد: والله معليش حبيبي عارفه انتي عمل وجامعه الحق على ايش ولا على ايش

لوجين: ياحياتي بس مره وحشتني

احمد: والله انتي اكثر ها اخبارك

لوجين: مرررررررره طفش

احمد: ياعمري خلاص انا اكلمك الى الصبح

لوجين: والجامعه انت لازم يعني تاخذ ترم صيفي

احمد: عشان اخلص بسرعة واجي اخذك

لوجين:ان شاء الله ... هاايش سويت اليوم

حكى لها احمد ايش سوى وهي كمان

احمد: اشوفك بكره

لوجين: فين جافا

احمد: طيب خلاص

لوجين: حياتي تروح تنام انت تعبان

احمد: شوي

لوجين : لا حبيبي عشان وراك صحيان بدري يلا

احمد:طيب هاتي بوسه

لوجين: ميدو يلا

احمد: احبك ياقلبي خلاص يلا باي

لوجين: باي

نامت لوجين بسرعه لانها مره مرهقة وكمان عشان يخلص اليوم بسرعه وتشوف احمد

وثاني يوم دق التلفون لوجين جالسه هي ورهف ولؤي في الصاله اسفل

لوجين: الو

وفاء: الو السلام عليكم

لوجين : وعليكم السلام

وفاء: مين لوجين

لوجين: ايوه

وفاء : كيف الحال

لوجين: تمام مين معايا

وفاء: انا وفاء صديقة ماما

لوجين: اها هلا والله تبغي ماما

وفاء: ايوه لو سمحتي

لوجين: طيب خليكي معايا احول لها الخط

رن التلفون في غرفة ام لوجين

امها: نعم

لوجين: ماما مكالمه لك وفاء صديقتك

امها: طيب حوليها

امها: هلا والله

وفاء: كيف الحال

امها: والله تمام ماشي الحال

وفاء: صفاء انا ابغى اكلمك في موضووع ومهما كان ردكم ماراح يأثر على علاقتنا

صفاء: خير وفاء

وفاء: بصراحة نبغى لوجين لفيصل اخوي

صفاء:فيصل

وفاء: انت عارفه الولد طبيب بستشفى التخصصي عمره 35سنه

صفاء: طيب عنده شروط

وفااء: لوجين متعديه مواصفاته

صفاء :انا اكلم ابوها ونستخير ونرد عليكم

وفاء: خلاص مع السلامه

صفاء:مع السلامه

بنشوف ايش بيسير البارت الجاي .. بتوافق لوجين على اخو صديقة امها ... ايش بيكون موقف ابوها..... ايش بيسير معاها ومع احمد

يلا اقابلكم البارت الجاي راح انزلة بعد اسبوع ان شاء الله ابغى ارائكم عشان اكمل[/