|
القلب يحزن والمدامع غزيره في جوفي نارٍ من لهبها تبكيت والدار ضلما كانت امي تنيره يايمه وينك من دونك خلا البيت قلبي تفطر على الفر قا المريره آمنت بالله وباقداره ترضيت الموت حقٍ وكلٍ له مصيره وموت النبي قبلك يايمه تعزيت هذا جلالك وريحك في عبيره كل يوم اشمه وليا شفته تهنيت صوتك يايمه يامحلى اثيره وحنانك يمه يخليني تدفيت من يوم رحتي والمشاعر أسيره محدٍ افضفض له وبصمتي تسجيت يايمه منهو أجي له واستشيره يعدلني لي شفت الصواب وتنحيت يايمه كلٍ يناظرني في حيره من يوم رحتي وانا اللي ماتواسيت يوم كنتي عندي وكني أمير ديره كلٍ يناديني يقول لي تعال هيت ويوم رحتي يمه وكني في جزيره وحيدٍ فيها عن الناس تواريت أجي دويخ في وقت الظهيره محدٍ سأل عني يقول لي تغديت وأبيت ليلي وعيوني سهيره كم من ليالي نايمٍ ماتعشيت ظروفٍ يمه تواجهني عسيره الشكوى لله بظروفي تعنيت ياكم تعلمت من معانٍ غزيره يامنهل التعليم منك تربيت آآآآهن يايمه من نظراتي الأخيره مليت كفي ترابٍ ثم حثيت أبشري يمه بدعواتٍ كثيره كل ماذكرتك وللرحمن صليت القلب يحزن والمدامع غزيره في جوفي نارٍ من لهبها تبكيت من لهبها تبكيت من لهبها تبكيت |
| الساعة الآن 12:51 AM |
Powered by vBulletin® Copyright ©2000 - 2024, Jelsoft Enterprises Ltd