أحدى قصايد سليمان بن شريم

**oshaa-10** · 11-21-2006, 11:00 PM

سليمان بن شريم واحدمن فطاحلة الشعراءوقدعرفت عنه البلاغة والقدرةالابداعيةفي قصايدالنصح والموعظةوهاهويقدم هذه الموعظةالأدبيةوالتربويةالرائعةلابنه عبدالعزيزقائلا:

يامل عينافي محاجيرها شوك@ والصدربه عن لذه النوم دكاك

لادك في قلبي من الهم داكوك@ جاوبت طربات الحمايم على الراك

عزي لحالك ياعزيزوانا ابوك @ كان الزمان اللي توطاني توطاك

تراه ماينفعك خالك ولا اخوك@ لاصار ماتقضي لزومك بيمناك

وربعك الىبان الخلل فيك عافوك@اقرب قريب لك من الناس يشناك

ان كثرمالك صدقوالك وطاعوك@وان قل مابيدك شانت حلاياك

لوتطلب الماءعندهم منه مااسقوك@ابعدمزارك عن وطنهم ومرباك

وان طاب حظك قربوالك وحبوك@وان باربك محد يبي غير فرقاك

وهراجة المجلس الى جيت وروك@منازل تطرب نظيرك بدنياك

والى قضوامنك اللوزم وخلوك@تفرقواوأنت احتمل كل ماجاك

كنك سراج البيت للنورشبوك@والى أنقضى اللازم حدا الربع طفاك

والى جفوك أهل الوطن وأستخفوك@قلع غريسك منه واهدم ركاياك

ترالو ترجع على الرجل صعلوك@احسن من اللي تلتجي له وياطاك

وأصحى لخلان الرخاءلوتغالوك@اعرف ترى أطيبهم الى احتجت يجفاك

تصبح خوي امقيط دهووك واغووك@وكل عطاك ارشاك واقفا وخلاك

واحذرمن العيله ترى الحق مدروك@مثل القضاء يدركك مامنه فكاك

واحلم على الجاهل ترى الحلم مبروك@وقم للضعيف اللي من الظلم ينخاك

وقم للضيوف اللي عنوالك وضافوك@وأغلا كرامتهم حجاجك وبشراك

واعرف ترىمالك من الضيف مفكوك@لولاه يطلب حاجته منك ماجاك

**pirate_1012** · 11-22-2006, 03:56 AM