.الاقتباس الاكثر من واحد يعني تقدر الحين تختار الردود اللي تبيها في الاقتباس عشان تجاوب عليها بس تظغط على زر الاقتباس لين يصير لونه احمر بعدين تروح للرد تلقا الردود قادمك جاهزة

[http://files.vbulletin.com/3.6/multiquote-k.png



2.اول لمن تبغا المنتدى يبين مقروو كان لازم تختار كل المنتديات الحين ممكن صار تختار منتدى واحد عشان تخليه مقروو بس ترعص على الايكون اللي جنبه بس

http://files.vbulletin.com/3.6/markforumread.png



3.في الاقتباس راح تكون فيه زر لمن تظغطه راح ينقلك للرد حق الاقتباس بسرعة



4.قوايم الاصدقاء والاعداء http://www.swalif.net/softsfilz/vb_smile/021.gif صار ممكن تستخدم الاجاكس يقوم بفك لك قايمة فيها الاسماء على اساس الحروف اللي بتكتبها

http://files.vbulletin.com/3.6/buddyignore.png



5.تقدر الحين تسوي باكب اب لاعدادات منتداك وتشيلها باك اب وتقدر بعدين تسوي منتدى جديد وتسوي ريستور للاعدادات حقتك يقوم المنتدى الجديد يصير زي منتادك بالضبط يعني ممكن تشيل التصاريح والقروبات والستنق حق المنتدى



6.الحين صار تقدر تحط نص الرسايل الخاصة في رسالة البريد اللي بتترسل للمسجلين في منتداك يعني صار يقدر يشوف وش في الرسالة الخاصة اللي جاته بدون ما يروح يفك المنتدى



7.راح تقدر الحين تصغر الصور في المواضيع على النسبة اللي بتحددها عشان شكل المنتدى ما يعتفس



8.لمن تعدل اي موظوع راح تكون فيه خانة انك تكتب وش السبب اللي خلاك تعدل عشان صاحب الموظوع يعرف وش الهرجة وليش تعدل موظوعه

http://files.vbulletin.com/3.6/reasonforedit.png



9.الحين الوصلات في اشعارات ورسايل البريد راح تجي بوصلات جديدة تقدر بيها تخش المنتدى وتقرا بدون ما تسوي دخول باسمك



10.ترتيب البلق في لوحة تحكم منتداك بدال اللخبطة اللي كانت اول

http://files.vbulletin.com/3.6/plugin_manager.png







11.في صفحة البحث ممكن تسوي اختيارات وتحفظها وتسير قدامك ولما تبغا تحدد اي وضع ما راح يعيد تحميل الصفحة



12.الحين في النسخة الجديد صا فيه نضام كامل للانذارات يعني تقدر تسوي كرت اصفر واحمر واي لون يحبه قلبك وتقدر تخلي الكروت معاها نقاط وتقدر تخليها بدون عاد اي واحد عندك في المنتدى يقل ادبه تقوم اول تسويله كرت اصفر وتكتب وش سوا وهو راح تجيه رسالة خاصة وانذار وانت تقدر كمان تخلي المنتدى يشيل الانذارات بعد كذا يوم وتقدر تخلي اللي يحصل على نقاط معينة يتبند يعني يتوقف بدون ما تسوي شي والواحد يقدر يشوف انذاراته في ملفه وممكن تخلي الثانيين يشوفونها النضام



ممكن ما يكون مفهوم الا لما تجربه بس الله الله في اللي عندك لا تدهر فيهم المساكين http://www.swalif.net/softs/images/smilies/tongue.gif

http://files.vbulletin.com/3.6/infraction_given.png



13.الحين من لوحة التحكم تقدر ترتب المواضيع في المنتدى باختيارات جديدة ترتبه على حسب الردود او اللي تختاره

http://files.vbulletin.com/3.6/forumsorting.png



14.قايمة الاصدقاء والاعداء صارت بطريقة جديدة

http://files.vbulletin.com/3.6/buddy_ignore_error.png



15.تقدر تعطي الموظوع نجوم بدون ما تعيد تحميل الصفحة



16.تسريع المنتدى لو كنت تشغله من نطاق زي myhostname.vbulletin.com اول زي ما يقولون كان يبطي شوي والحين بالاجاكس راح تكون فيه سرعة يحمل بدون ما يعيد تحميل الصفحة



17.ممكن الحين تفرمل اي واحد جاي من بروكسي زي البروكسي السعودي بدون ما تمنع الثانيين اللي ما ليهم علاقة يعني تقدر الحين تربط الاي بي بالجلسة الحالية لاي واحد وبكذا راح تقدر تتصرف معاه لوحده دام انه لسع مسوي دخول



18.بالاجاكس في هذه النسخة راح تقدر تكتب الحروف الاولى في البحث وقايمة الاصدقاء والدعوات والمنتدى راح يكمل الكلمات



19.في خانة البحث فوق صار تقدر تختار تشوف النتايج مواظيع او ردود بدون ما تدخل لصفحة البحث



20.تصليحات في جداول اليوزر والمواضيع والمنتدى راح تظمن الامن المنتداك